Një ‘Barbie’ e jetës reale akuzohet se drejton një ‘sekt’ dhe i ka vënë ndjekësit e saj në rrezik helmimi. Valeria Lukyanova, e cila ka 2.5 milionë ndjekës në rrjete sociale dyshohet se i ka vënë në rrezik fansat e saj me këshilla të rrezikshme. E njohur prej vitesh si Barbie ukrainase, ajo gjithashtu e stilon veten si princeshë aliene Amatue dhe po përballet me një hetim nga zyra e policisë dhe prokurorisë ruse, pavarësisht se është një mbështetëse e zjarrtë e Putini-t.

Ndër akuzat ndaj saj është edhe ajo se ajo u ka kërkuar ndjekësve të saj të pinë terpentinë për të pastruar trupin e tyre nga parazitët. Një tjetër pretendim është se ajo u kërkoi fansave të saj vajza dhe gra të merrnin frymë mbi merkur sepse ‘zgjohen aftësitë paranormale dhe kujtesa e jetëve të kaluara’.

Grave iu kërkua gjithashtu të ‘bënin tampona me katran dhe vaj esencial të grejpfrutit’ për t’i bërë organet e tyre seksuale më të vogla. Nisur nga këto akuza ‘Barbie’ rrezikon burgun.