Fatkeqësisht ka ndërruar jetë në moshën 30-vjeçare influenceri francez Remi Lucidi pasi ka rënë nga kati i 68 i një ndërtese në Hong-Kong. Mendohet se Lucidi ishte ngjitur aty për të bërë një nga fotot e tij të zakonshme nga lartësia. Sipas “South China Morning Post”, 30-vjeçari hyri pa leje në ndërtesë, duke gënjyer rojen se do të takonte një mik në katin e 40. Nga kamerat e sigurisë shihej francezi duke u ngjitur deri në tarracë nga shkallët. Kur rojet u ngjitën për ta kërkuar, nuk gjetën asnjë gjurmë të tij, përveç kamerës me të cilën regjistronte bëmat e tij.