Fatkeqësisht ka ndërruar jetë në moshën 25-vjeçari aktori Angus Cloud, i njohur për rolin e tij si Fezco në serialin e njohur televiziv ‘Euphoria’. Lajmi është bërë i ditur nga familja e tij përmes një deklarate, pa specifikuar shkakun e vdekjes.

Me zemër të rënduar i themi lamtumirë një qenieje të jashtëzakonshme njerëzore. Si artist, si mik, si vëlla dhe si bir, Angus ishte i veçantë për të gjithë ne në shumë mënyra. Javën e kaluar ai varrosi babanë e tij dhe ishte në betejë me shëndetin mendor. I vetmi ngushëllim që kemi është të dimë që Angus tani është përsëri me të, se ai ishte shoku i tij më i mirë. Angus kishte folur për betejën me shëndetin e tij mendor dhe ne shpresojmë se vdekja e tij do të jetë një kujtesë për të tjerët se ata nuk janë vetëm dhe nuk duhet ta luftojnë atë vetëm në heshtje. Ne kërkojmë privatësi në këtë moment që po përballemi me këtë humbje shkatërruese.

Angus Cloud ishte një yll në rritje në Hollywood, i cili do të mbahet mend për rolin e tij kryesor në serialin “Euphoria” së bashku me Zendaya, në të cilin ai luajti rolin e Fezcos nga 2019 deri në 2022.