Një truk i shpejtë për një gjumë të freskët dhe të rehatshëm është të vendosni çarçafët në frigorifer për disa orë para se të shkoni në shtrat. Eksperti i gjumit Grant Lewis tregon arsyen pse duke shprehur:

Është mënyra më efektive për të ulur ndjeshëm temperaturën në shtratin tuaj. Për të gjithë ju që ju duket çmenduri, thjesht provojeni. Vendosini çarçafët tuaj në një qese hermetike dhe futini në frigorifer. Rezultati do të jetë fantastik.

Ndërkaq, të gjithëve u pëlqen të shtrihen në një shtrat të pastër dhe aromatik, por në fakt shumica e njerëzve nuk i ndërrojnë rregullisht çarçafët. Larja e parregullt e tyre grumbullon merimangat e pluhurit, të cilat janë një problem i madh për ata që vuajnë nga alergjitë. Përveç kësaj, këto mikroorganizma mund të përkeqësojnë shëndetin e përgjithshëm të trupit, kanë treguar hulumtimet. Për shkak të detyrimeve, kohës së gjatë të tharjes, mungesës së kohës, shumë njerëz nuk i lajnë çarçafët aq sa duhet.

Pothuajse 11 milionë britanikë i lajnë çarçafët e tyre vetëm një herë në muaj, ka zbuluar një sondazh që zbuloi zakonet e dhomës së gjumit. Një në tre persona gjithashtu pranoi se priste të paktën dy javë para se të lante çarçafët, zbuloi analiza nga YouGov. Hulumtimi i ri ka identifikuar katër gjendje shëndetësore që mund të lidhen me mosfutjen e rrobave në lavanderi mjaft shpesh dy prej të cilave janë vrasës të heshtur.