DJ Khaled është më i njohur për muzikën që prodhon. Së fundmi artisti ka vendosur të trajtojë çështjen e peshës së tij, megjithatë rezulton se ai e ka bërë këtë duke marrë shembull ose më saktë duke u inspiruar nga Tiger Woods, duke qenë se edhe i pëlqen të luajë golf.

Ai i tha Page Six se:

Gruaja ime e do jogën. Unë e dua golfin. Kështu që ndërsa ajo bën joga, unë jam duke luajtur golf. Mund të ha më shumë se sa duhet të ha por kam punuar shumë më tepër kohët e fundit për këtë. Jam ndjerë kaq mirë dhe i frymëzuar. Thjesht ndihem mirë dhe i gjallë. Isha rreth 130 kg dy muaj më parë, dhe sot jam 120, që kur kam luajtur golf. Mund të mos jetë shumë për ju, por është shumë për mua.

Producenti, 47 vjeç, shtoi se:

E vetmja gjë që dua të frenoj është se më pëlqejnë biskotat me çokollatë. Më pëlqen Cinnamon Toast Crunch. Kjo është arsyeja pse unë bëj golf çdo ditë dhe bëj stërvitje çdo ditë. Kështu që dua të sigurohem që nuk e bëj këtë, nuk ha tepër… por e dini, unë jam si të gjithë, emocionohem.