Vijon ndikimi i motit të paqëndrueshëm në vend, parashikimi për sot!

AKTUALITET

Vijon ndikimi i motit të paqëndrueshëm në vend, parashikimi për sot!

vovalbania August 06, 2023 0 koment 1 Mund të lexoni në minuta.

Vijon ndikimi i motit të paqëndrueshëm në vend, parashikimi për sot!

Shërbimi Meteorologjik Ushtarak bën të ditur se për sot, vendi ynë do të ndikohet nga kushte atmosferike relativisht të paqëndrueshme prej kalimit të një qendre të ulët presioni me origjinë veriperëndimore.

Moti parashikohet me alternime vranësirash mesatare deri të dendura, si dhe me intervale kthjellimi në orët e vona të pasdites.

Reshjet e shiut me intensitet mesatar e lokalisht deri të lartë do të jenë prezente që në orët e para të mëngjesit në të gjithë territorin. Reshjet priten të jenë të herëpas’hershme në formën e rrebesheve të shpejta, stuhive e shtrëngatave me shkarkesa elektrike e në intervale të shkurtra kohore, reshje në formë breshëri.

Era do të fryjë me drejtim nga kuadrati i Perëndimit me shpejtësi mesatare 1-8 m/s, ndërsa përgjatë vijës bregdetare dhe në lugina, era fiton shpejtësi deri 13 m/s. Valëzimi në dete do të jetë i forcës 2-3 ballë.