Olivia Rodrigo publikoi këngën e saj të dytë të albumit të ardhshëm”Guts”, titulluar “Bad Idea Right?”, të premten. Petra Collins drejton videoklipin shoqërues, i cili e sheh Rodrigo-n duke festuar me miqtë dhe duke menduar për t’u rikthyer së bashku me një ish.

Rodrigo këndon në klip, teksa shihet duke bërë surf dhe duke hipur në pjesën e pasme të një kamioni natën në shi:

Nuk kam dëgjuar për ty prej disa muajsh/ Por unë jam jashtë tani dhe jam e kënaqur/ Dhe ti po telefonon dhe je krejt vetëm/ Dhe unë jam duke ndjerë njëfarë melankolie/ Të shihemi sonte – është një ide e keqe, apo jo?

Videoja, e cila ka një atmosferë të ngjashme me atë të serialit “Euphoria” dhe gjithashtu interpretojnë miqtë e saj Tate McRae, Iris Apatow dhe Madison Hu. Të enjten mbrëma, Rodrigo njoftoi këngën dhe videon në Instagram, duke shkruar:

Kam pasur një kohë kaq argëtuese duke bërë këtë këngë me Daniel Nigro në New York vitin e kaluar. Ne e shkruam refrenin si shaka, por na pëlqeu aq shumë sa e bëmë një këngë të plotë. Unë e realizova videoklipin me miqtë e mi.

“Bad Idea Right?” është kënga e dytë nga albumi i dytë i Rodrigo-s “Guts”, i vendosur për publikim më 8 shtator. “Guts” pason debutimin e saj të vitit 2021 “Sour”, i cili përmbante hitet “Drivers License” dhe “Good 4 U”.