Një incident i paprecedentë ka ndodhur në një dyqan ushqimor italian Eataly në Boston, kur një grua rrëshqiti mbi një copë proshute dhe theu këmbën. Alice Cohen tani po kërkon dëmshpërblim nga dyqani, duke ngritur një padi. “Shpenzimet e saj mjekësore, duke përfshirë një vizitë në spital dhe terapi fizike, i shkuan 7,500 dollarë”- thuhet në padinë e ngritur nga Alice Cohen.

“Eataly kishte për detyrë të siguronte që sipërfaqja e dyshemeve të mos ishte e rrezikshme dhe të paralajmëronte nëse kushtet ishin të rrezikshme,”-theksohet në padi. Alice Cohen dhe burri i saj Ronald po kërkojnë të paktën 50,000 dollarë dëmshpërblim.