Regjisori i famshëm iranian Saeed Roustaee është dënuar me gjashtë muaj burg, sipas raporteve lokale, pasi prezantoi filmin e tij më të fundit në Festivalin Ndërkombëtar të Filmit në Kanë vitin e kaluar. Roustaee shfaqi filmin “Leila’s Brothers”, një film për një familje në Teheran që përpiqet të përballojë jetesën, në konkurrencë për Palmën e Artë, çmimi më i lartë i dhënë në Kanë.

Roustaee dhe producenti i “Leila’s Brother”, Javad Noruzbegi, u dënuan me gjashtë muaj për transmetimin e filmit dhe “kontribuim në propagandën e opozitës kundër regjimit islamik”, sipas mediave iraniane.

Të dy do të shërbejnë secili rreth nëntë ditë burg, me pjesën e mbetur të dënimit të pezulluar për pesë vjet. Ata gjithashtu nuk do të lejohen të bëjnë filma gjatë kësaj periudhe.

Lajmi për dënimin ka marrë kritika ndërkombëtarisht, veçanërisht nga regjisori amerikan Martin Scorsese, i cili ndau një peticion për të ndihmuar Roustaee të nisur nga vajza e tij, Francesca Scorsese. “Ju lutemi nënshkruani dhe shpërndani këtë peticion për të kërkuar drejtësi… në mënyrë që ai të vazhdojë të jetë një forcë e së mirës në botë”, thuhet në peticion dhe një postim në Instagram të shpërndarë nga Scorsese. “Zëri i tij duhet të dëgjohet.”

Leila’s Brothers” ishte ndaluar më parë në Iran, pasi zyrtarët vendosën se filmi theu rregullat duke u futur në festivalet ndërkombëtare të filmit pa autorizim.

Pavarësisht ndalimit, “Leila’s Brothers” ka marrë vlerësime nga kritikët. Megjithëse nuk fitoi Palmën e Artë, filmi fitoi dy çmime të tjera në Kanë dhe u nominua për filmin më të mirë ndërkombëtar në Festivalin Ndërkombëtar të Filmit në Mynih.