Taika Waititi dëshiron që Thor të përballet me një armik më të fuqishëm se motra e tij, Hela. Teksa nuk ka asnjë “Thor 5” në Marvel Cinematic Universe në zhvillim dhe xhirim, Waititi zbuloi përmes Screenrant në librin “Thor: Love and Thunder” The Official Movie Special” të Titanit se çfarë do të bënte nëse i jepej mundësia për të drejtuar një pjesë të re në “Thor“. Waititi u shpreh:

Çfarë ka mbetur për të bërë me të? Duhet të jetë diçka që ndihet sikur po vazhdon me evolucionin e personazhit, por gjithsesi në një mënyrë shumë argëtuese dhe ende duke i dhënë atij gjëra për t’u përballur, të ndjehen sikur po ndërtojnë mbi pengesat që ai duhet të kapërcejë. Nuk mendoj se mund të kemi një armik që është më i dobët se Hela. Ndjej se duhet të ngrihemi që andej dhe të shtojmë një kundërshtar në film që është disi më i frikshëm.

Cate Blanchett luajti në filmin “Thor: Ragnorak” të vitit 2017 si Hela, perëndeshë e vdekjes që shkatërron çekiçin e Thor-it Mjölnir dhe kap Asgardin. Së bashku me një armik të ri, Waititi dëshiron gjithashtu të prezantojë “bisha, përbindësha dhe alienë gjithnjë e më të çuditshëm dhe të çmendur” nga botë të ndryshme që mbeten besnike ndaj origjinës mitologjike të Thor. Ai shtoi:

Ka një element argëtues për Thor kur viziton këto botë dhe ndeshet me këta alienë që nuk mendoj se do t’i merrnit kur është një tokë që udhëton nëpër hapësirë duke eksploruar universin.

Ndërsa regjisori i “Thor: Ragnorak” dhe “Thor: Love and Thunder” duket i vendosur për të vazhduar aventurat e Thor në një film tjetër të pavarur, aktori Chris Hemsworth konfirmoi në qershor se rikthimi i tij në Marvel është ende në pikëpyetje pra nuk është i konfirmuar. “Thor: Love and Thunder” The Official Movie Special” do të publikohet më 19 shtator.