Një nënë amerikanë vuan nga një sindromë e rrallë ku trupi i saj prodhon sasi të mëdha qumështi. Elisabeth Anderson-Sierra nga Aloha, Oregon tashmë është bërë pjesë e rekordit Guinness si dhuruesja më e madhe e qumështit të gjirit, ku deri më tani ka dhuruar 1599 litra qumësht. E njohur si “perëndesha e qumështit”, ajo dhuroi qumështin e saj për mijëra fëmijë dhe shpëtoi jetën e foshnjave të lindura para kohe.

Kjo nënë e tre fëmijëve ka sindromën e hiperlaktimit, një gjendje në të cilën qumështi i gjirit derdhet në sasi të tepërta për shkak të rritjes së prodhimit të qumështit. Ajo e ushqente me gji fëmijën e saj të parë dhe thotë se nuk mjaftonte për të zbrazur gjoksin e saj, kështu që para se të ushqente fëmijën e saj, ajo përdorte një pompë gjiri disa herë në ditë për qumështin e tepërt. Gjatë 9 viteve të fundit, Elizabeth ka dhuruar mbi 15,000 doza qumësht për familjet në Oregon dhe në mbarë botën.

Gjithashtu dhuron për shumë nëna që nuk mund të japin gji. Elizabeth gjithashtu bashkëpunoi me një kompani që prodhon pompa gjiri për ta bërë më të lehtë ushqyerjen me gji për nënat. Përdorimi i një pompe celulare ia bëri jetën më të lehtë. Ajo shpenzon rreth pesë orë në ditë për të nxjerrë qumësht dhe është krenare për atë që mund të bëjë për të tjerët. Ajo thotë se nuk e lë qumështin e saj të gjirit të shkojë dëm.