Ish-ylli i “Hannah Montana”, Mitchel Musso u arrestua së fundmi me akuzën për vjedhje dhe dehje në publik në Rockwall, Teksas. Musso, i njohur për rolin e tij të Oliver Oken në ‘sitcom’-in e njohur të Disney Channel, u kap nga policia Rockwall të shtunën mbrëma. Departamenti i Policisë Rockwall deklaroi për shtyp se Musso u arrestua në përgjigje të një shqetësimi të raportuar në një hotel.

Aktori 32-vjeçar, dukshëm i dehur, thuhet se ka hyrë në ambientet e hotelit dhe dyshohet se ka marrë një qese me patatina pa paguar. Kur u përball me artikullin e papaguar, Musso thuhet se ishte bërë verbalisht agresiv përpara se të largohej nga ambientet. Oficerët e policisë Rockwall identifikuan Musso jashtë hotelit, ku ishin të dukshme shenjat e tij të dehjes. Më pas ai u mor në paraburgim me akuzën e dehjes publike dhe vjedhjes nën 100 dollarë.

Pas arrestimit të tij, Musso u transportua në Qendrën e Paraburgimit të Qarkut Rockwall, ku kaloi një natë në burg. Musso u bë i famshëm si pjesë e kastit të “Hannah Montana”, duke ndarë ekranin me aktorët e tjerë si Miley Cyrus, Emily Osment dhe Jason Earles nga viti 2006 deri në 2011.