Seriali “The Idol”, i cili kishte protagonistë kryesorë Lily-Rose Depp dhe The Weeknd, nuk do ketë një sezon të dytë siç konfirmoi një zëdhënës i ‘HBO’. Në deklaratë citohej:

“The Idol” ishte një nga programet origjinale më provokuese të HBO-së dhe ne jemi të kënaqur nga reagimi i fortë i audiencës. Pas shumë mendimeve dhe konsideratave, HBO, si dhe krijuesit dhe producentët kanë vendosur të mos ecin përpara me një sezon të dytë. Ne u jemi mirënjohës krijuesve, aktorëve dhe ekipit për punën e tyre të jashtëzakonshme.

 

View this post on Instagram

 

A post shared by HBO (@hbo)

Kjo vjen dy muaj pasi finalja e sezonit të parë u transmetua në qershor. Përpara episodit final, HBO mohoi lajmet se ishte marrë një vendim për sezonin e dytë të “The Idol”. “The Idol” transmetoi dy nga pesë episodet e tij të para në ‘Festivalin e Filmit në Kanë’ në maj. Në mars, Rolling Stone publikoi raportin mbi prodhimin e “The Idol”, duke intervistuar 13 burime të paidentifikuara që pretendonin se seriali kishte dalë “në mënyrë të egër, të neveritshme nga binarët”.

Në prill të vitit 2022, regjisorja Amy Seimetz u largua nga produksioni pavarësisht se kishte përfunduar tashmë pjesën më të madhe të serialit me gjashtë episode. Në atë kohë, shfaqja duhej të debutonte në fund të vitit 2022. Por Levinson mori përsipër produksionin pas largimit të regjisores së parë dhe sipas Rolling Stone, ai vendosi të rishkruajë dhe rixhiruar serialin, duke shkaktuar një vonesë.