Kina Lindore së fundmi ka vendosur një shpërblim për të gjitha nuset e ardhshme që janë nën 25-vjeçe. Çmimi i dëmshpërblimit do të jetë prej 1,000 juanësh ose 137 dollarë. Shpërblimi jepet për të promovuar martesën dhe lindjen e fëmijëve në një moshë të përshtatshme. Po ashtu, në të njëjtin njoftim njoftohen një sërë masash dhe subvencionesh për infertilitetin, kujdesin ndaj fëmijëve dhe edukimin për çiftet që tashmë kanë fëmijë.

Me rënien e popullsisë për herë të parë në gjashtë dekada dhe një popullsi të madhe në plakje, autoritetet kineze po zbatojnë një paketë masash për të rritur shkallën e lindjeve. Mosha minimale ligjore për martesë në Kinë është 22 vjeç për burrat dhe 20 vjeçe për gratë, por numri i çifteve që vendosin të martohen është në rënie. Shkalla e lindshmërisë së Kinës, tashmë një nga më të ulëtat në botë, vlerësohet të ketë rënë në nivelin më të ulët historik në vitin 2022.

Ndërkaq, Koreja e Jugut ka regjistruar sërish shkallën më të ulët të lindshmërisë në botë, me numrin e lindjeve që ka rënë në një nivel të ri të ulët. Shkalla e lindshmërisë në Korenë e Jugut ra për herë të parë në vitin 2018, ku sipas statistikave për çdo grua atje përkonte më pak se një fëmijë. Në fillim të viteve 1970 gratë kishin mesatarisht katër fëmijë.