Një mace në Shtetet e Bashkuara të Amerikës ka thyer rekordin si macja me bishtin më të gjatë në botë. Altair, një mace 5-vjeçare, ka një bisht me gjatësi 40,8 cm, që do të thotë 10 cm më të gjatë se mesatarja e bishtit të maceve.

Pronari i saj thotë se macja e tij e ka gjenetike gjatësinë e bishtit, pasi edhe vëllai i saj kishte një bisht shumë të gjatë. Por gjithashtu i jep meritën edhe vetes për mënyrën se si është kujdesur për të dhe për ushqimet që i ka dhënë.

Macja është në pronësi të Dr. William John Powers, macja e të cilit Cygnus, kishte mbajtur më herët këtë rekord. Sidoqoftë, pas vdekjes së Cygnus në një zjarr në shtëpi në 2017, Powers adoptoi gjysmë vëllanë e tij Altair. Powers, i tha Librit të Rekordeve Botërore Guinness se:

Vëllai i tij, Cygnus kishte rekordin për bishtin më të gjatë ndonjëherë, kështu që gjenetika sigurisht që luajti një rol. Por unë kam pasur katër mace që mbajnë titullin e rekordeve botërore Guinness tani, kështu që dyshoj se ka të ngjarë të paktën pjesërisht, për shkak të dietës speciale që unë hartova për ta. Ishte shumë e qartë se ashtu si Cygnus, që nga koha kur ishte një kotele, ai kishte një bisht absurdisht të gjatë dhe ai thjesht vazhdoi të bëhej më i gjatë ndërsa plakej.