Qeveria belge ka vendosur të ndalojë azilkërkuesit meshkuj beqarë me argumentin se kapaciteti pritës duhet të vihet në funksion fillimisht për familjet, gratë dhe fëmijët. Ministrja e Migracionit dhe Azilit Nicole de Moor konfirmoi se Fedasil, agjencia që menaxhon vendet e pritjes së azilit, është udhëzuar të ndalojë dhënien e aksesit për azil për burrat beqarë dhe shtoi se fokusi do të ishte strehimi i familjeve me fëmijë.

Masa u prit me kritika të ashpra nga organizatat e të drejtave të njeriut. “Menduam se i kishim parë të gjitha, por jo. Qeveria belge nuk është ulur vetëm për të drejtat e njeriut. Po i varros ata duke ‘pezulluar’ pritjen e azilkërkuesve beqarë meshkuj,”- tha Philippe Hensmans, drejtor i Amnesty International Belgium. De Moor tha se një fluks azilkërkuesish gjatë dy viteve të fundit në kombin prej 11.5 milionë banorësh kishte mbushur qendrat e strehimit me kapacitet afër 33,500. Vitin e kaluar, Belgjika kishte rreth 37,000 aplikime për mbrojtje.