Pas katër vitesh së bashku, merr fund marrëdhënia e çiftit të njohur!
Pas më shumë se katër vitesh lidhje, Leonardo DiCaprio dhe Camila Morrone janë ndarë.
Burime të shumta thanë për ‘People’ se çifti nuk është më bashkë.
Aktori dhe modelja u lidhën për herë të parë në dhjetor 2017-ës. 23 vitet e diferencës së moshës, Camila i komentoi njëherë kështu:
Unë thjesht mendoj se çdokush duhet të jetë në gjendje të jetë me atë që dëshiron të jetë
DiCaprio dhe Morrone bënë përpjekje të mëdha për ta mbajtur romancën e tyre private.
Ata kurrë nuk ecën në tapetin e kuq së bashku, megjithëse u ulën bashkë në rreshtin e parë në ceremoninë e ndarjes së çmimeve Oscar, në 2020-ën.
Tani, vetëm dy muaj pas ditëlindjes së 25-të të Morrone, burime të shumta thanë për ‘People’ se modelja dhe DiCaprio janë ndarë.
Përfaqësuesit e të dyve nuk pranuan të komentojnë mbi lajmet.