Një aksident ka ndodhur këtë pasdite në Vlorë, kur dy mjete janë përplasur me njëra-tjetrën.

Ngjarja ka ndodhur në kryqëzimin e quajtur “Kali i Trojës”. Automjeti me drejtues shtetasin Sh. Xh., 59 vjeç, banues në Itali, është përplasur me automjetin me drejtues shtetasin D. T., 23 vjeç.

Nga përplasja janë dëmtuar pasagjeret në automjetin që drejtohej nga 59-vjeçari, bashkëshortja dhe vajza e tij, të cilat po marrin ndihmë mjekësore dhe janë jashtë rrezikut për jetën.

Ende nuk dihen shkaqet e aksidentit, ndërkohë që ka nisur hetimi për ngjarjen.