Astrologia e njohur, Meri Shehu, ishte mëngjesin e sotëm e ftuar në emisionin “Wake Up”, ku përveçse bëri parashikimin e 12 shenjave të horoskopit për muajin shtator, foli pak edhe për politikën.

“Meqenëse kemi këto ndryshimet dhe emërimet e reja në kabinetin qeveritar, si e komenton?”, e pyeti moderatorja Enxhi Nasufi.

“Unë nuk kam emëruar njeri”, tha fillimisht duke qeshur Meri Shehu, e cila më pas shtoi:

“Mua më intereson shumë politika. E ça të them tani për këta? Është bërë me Mërkur të kundërt. Që do të thotë që Mërkuri në Virgjëreshë, edhe pse është i kundërt nuk do të thotë se është i keq. Por akoma ka gjëra që nuk janë të qarta. Ecuria e kryeministrit me ndryshimet, tregohet në fund të muajit shtator me hënën e plotë në Dash. Aty dalin të gjitha gjërat”.