Aksident rrugor me katër të plagosur në Bulqizë. Policia njofton se te Kthesa e Krastës, një automjet tip “Jeep” doli nga rruga pasi drejtuesi i mjetit humbi kontrollin. Në makinë udhëtonin pesë persona dhe shoferi shpëtoi pa lëndime.

Të plagosurit e moshave nga 49 në 73-vjeç u dërguan në spital për ndihmë mjekësore e raportohet se për fat të mirë janë jashtë rrezikut për jetën. Ndërkaq, nga grupi hetimor vazhdojnë hetimet për zbardhjen e shkaqeve të aksidentit, më i fundit që shënohet në rrugët shqiptare.

Bulqizë/informacion paraprak

Në vendin e quajtur kthesa e Krastës, shtetasi S.Ç., duke drejtuar automjetin tip “Jeep”, ka humbur kontrollin mbi drejtimin e tij dhe mjeti ka dalë nga rruga. Për pasojë janë lënduar shtetasit që ishin në këtë automjet, konkretisht A.T., 58 vjeç, P.Sh., 73 vjeç, A.Gj., 49 vjeç dhe S.K., 62 vjeç, të cilët po marrin ndihmë mjekësore në spital, jashtë rrezikut për jetën.

Grupi hetimor po kryen hetimet për zbardhjen e shkaqeve të aksidentit.