Influencerja Ruby Franke postoi së fundmi një video në YouTube duke mësuar se si të ndëshkoni fëmijët tuaj. Rregullat e saj përfshinin agjërimin, ndëshkimin trupor dhe privimin e gjumit. Gruaja u arrestua për abuzim të dyshuar të fëmijëve, pasi një nga gjashtë fëmijët e saj arriti të arratisej në shtëpinë e një fqinji. I vogli, në një gjendje evidente të kequshqyerjes, u dërgua në spital së bashku me një nga vëllezërit e tij në kushte të ngjashme.

Djali arriti të zvarritej nga dritarja dhe më pas mori rrugën për në shtëpinë e fqinjëve të tij, të cilët ngritën alarmin duke telefonuar 911. Ai kishte plagë të hapura dhe shenja të shiritit ngjitës në kyçet e këmbëve dhe kyçet e dorës, duke kërkuar në mënyrë të dëshpëruar ujë dhe ushqim. Pas kontrollit në shtëpinë e influenceres, policia zbuloi se edhe një tjetër fëmijë kishte nevojë për ndihmë.

Ruby Franke nuk po vepronte vetëm. Edhe kolegia e saj Jodi Hildebrandt u akuzua gjithashtu për gjashtë akuza për abuzim të rëndë të fëmijëve. Të dyja tani janë në paraburgim në Uashington. Mbi 2 milionë abonentë, të tmerruar nga ashpërsia e dënimeve që propozoi, bënë disa raporte tek shërbimet lokale të mbrojtjes së fëmijëve. Pavarësisht akuzave të shumta nga shikuesit, Ruby Franke u justifikua duke thënë se stili i saj i prindërimit nuk ishte abuzim, por një mënyrë për t’u mësuar fëmijëve të saj pasojat e veprimeve të tyre.