Presidenti i SHBA-së Joe Biden do të shpallë nesër një tjetër paketë “të rëndësishme” ndihme ushtarake për Ukrainën, sipas një zyrtari amerikan.

Megjithatë, ende nuk dihet se sa do të vlente paketa, apo çfarë do të përfshihej.

Njoftimi është caktuar të përkojë me vizitën e Volodymyr Zelenskyt në Uashington DC. Shtetet e Bashkuara janë tashmë furnizuesi më i madh i ndihmës ushtarake, humanitare dhe financiare për Ukrainën – me shpenzime të raportuara mbi 60 miliardë dollarë që nga fillimi i luftës.