Google është paditur së fundmi për neglizhencë nga familja e një burri nga Karolina e Veriut, i cili vdiq pasi ngau makinën e tij drejt një ure të shembur, ndërsa ndoqi udhëzimet e dhëna nga Google Maps. Sipas mediave të huaja Philip Paxton, një shitës i pajisjeve mjekësore dhe baba i dy fëmijëve u mbyt në shtator të vitit të kaluar pasi makina e tij ra nga ura që ishte thyer 9 vite më parë.

Në padinë e ngritur, familja e tij pretendoi se shumë njerëz kishin njoftuar Google Maps për kolapsin dhe i kishin kërkuar kompanisë të përditësonte informacionin e itinerarit. Ndërkaq, Paxton dhe gruaja e tij, Alicia, organizuan një festë për vajzën e tyre në shtëpinë e një shoku në Hickory, një lagje në Karolinën e Veriut. Megjithatë, Paxton nuk e kishte vizituar kurrë shtëpinë para asaj dite dhe nuk njohuri për zonën.

Ndërsa gruaja e tij shkoi herët, Paxton qëndroi deri vonë për të pastruar dhe u kthye me makinë vetëm në shtëpi. Kur ai dyshohet se ndoqi Google Maps për të bërë rreth 10 minuta me makinë për në shtëpi, Paxton nuk e dinte se kishte një urë të shembur. Rreth orës 23:00, në zonën e errët të urës ku nuk kishte ndriçim, automjeti i Paxton doli nga një skaj i pambrojtur i urës dhe ra poshtë. Shërbimet e emergjencës gjetën makinën e 47-vjeçarit me kokë poshtë dhe pjesërisht të zhytur në përrua.