Konsumatorët nuk janë të lodhur nga blerjet. Ata po blejnë më me maturi, me një mentalitet për të marrë më të mirën, sigurisht. Por ata po shpërblejnë gjithashtu dyqanet që po shesin produktet e duhura, në kohën e duhur dhe për çmimin e duhur. Dhe produktet, të cilat cilësohen si ‘trending‘, vazhdojnë të marrin vëmendjen më të madhe nga blerësit.

Me rritjen e çmimeve të gazit, shlyerjen e tarifave studentore, rritja e çmimeve të shtëpive kanë qenë disa nga faktorët që kanë ndikuar në këtë treg. Ata nuk po shpenzojnë më për gjëra të kota, por vetëm për produkte të cilat janë në modë. Një eksperte ka shpjeguar:

Duke dalë nga pandemia, konsumatorët ishin të ngazëllyer për të shpenzuar përsëri. Por ata po kënaqeshin më shumë me eksperiencat, udhëtimet, koncertet dhe ushqimin jashtë, më shumë se sa me produkte. Ajo që pamë gjatë verës është se shpenzimet për mallra janë rikthyer dhe ne po shohim shenja që ato kthehen në atë si ishte përpara pandemisë. Tregu për shitësit me pakicë dhe pjesa që shumë njerëz përpiqen të arrijnë, është të sigurohen që produktet dhe vendi ku ato shiten të jenë mjaftueshëm të dëshirueshëm për të inkurajuar konsumatorët që të blejnë produktet e tyre.

Ndërsa disa nga prodhuesit e shitjeve me pakicë, si zinxhiri i veshjeve të modës Gap Inc., Express dhe dyqanet e mallrave Kohl’s dhe Macys, po luftojnë me përzierjen e mallrave të tyre për të arritur notat e duhura me nevojat aktuale të blerësve. Ndërkohë, ka të tjera kompani që po e marrin seriozisht këtë studim dhe po rrisin fitimet e tyre çdo ditë e më shumë.