Aktori i njohur Dane Cook martohet me partneren 27 vite më të re!
Aktori amerikan, Dane Cook është martuar së fundmi me të fejuarën e tij Kelsi Taylor. Dasma u zhvillua në një pronë private në O’ahu, Hawaii. Në ceremoni ishin vetëm 20 të ftuar. 51-vjeçari u shpreh se:
Ne zgjodhëm Hawaiin sepse ka një vend kaq të veçantë në zemrat tona dhe në marrëdhënien tonë. Ishte një nga udhëtimet e para që kemi bërë së bashku dhe vazhdojmë të kthehemi shpesh. Është një oaz i tillë dhe ne nuk mund të ishim më të emocionuar të kishim kaluar javën tonë të dasmës të rrethuar nga bukuria e Oahut. Ne parashikuam diçka që ishte më shumë në linjën e një mbledhjeje të familjes dhe miqve tanë më të afërt. Diçka intime, e lidhur dhe e mbushur me argëtim.
Aktori më parë i është referuar diferencës së moshës prej 27 vitesh me partneren e tij duke shprehur se:
Ne kemi pak diferencë moshe. Nëse ne nuk mund të qeshim për këtë fakt, atëherë askush tjetër nuk lejohet.
Kelsi tani është vetëm 23-vjeçe, por të dy kishin pesë vite që ishin bashkë kur aktori i propozoi. Aktori më parë ka qenë i lidhur me Jessica Simpson dhe Nicole Scherzinger.