Legjenda e repit Tupac Shakur, këngëtarja dhe kantautorja britanike Amy Winehouse, si dhe shumë personazhe të tjera të talentuara e kanë ndërprerë rrugëtimin e tyre në moshë të re.

Shumë prej nesh mund të pyesin veten sesi do të dukeshin këto ikona nëse do t’i kishin jetuar vitet e tyre të arta. Dhe, sot me ndihmën e Inteligjencës Artificiale mund të krijojmë një ide sesi mund të dukeshin këto personazhe në moshën 80-vjeçare.

Fotoja në galerinë më poshtë është realizuar nga “Midjourney”, me anë të Inteligjencës Artificiale. Rezultatet ishin të pazakonta dhe të çuditshme, siç mund të pritej duke marrë parasysh burimin e tyre.

Rikujtojmë se, policia amerikane ka akuzuar një ish-udhëheqës bande për vrasjen e reperit Tupac Shakur në vitin 1996, një zbulim i madh në një çështje të gjatë që ende ka pushtuar publikun. Legjenda e hip-hop-it, e lindur në Nju Jork, u qëllua katër herë në moshën 25-vjeçare në një sulm me makinë në Las Vegas.