Reperi i njohur shqiptar, Don Xhoni, është ndaluar së fundmi nga policia në Holandë.

Kështu ka lënë të kuptohet me anë të një videoje të shpërndarë me ndjekësit në Instagram.

Ai shihet jashtë makinës në Rotterdam, teksa policia është duke i kontrolluar nga brenda.

“Një ditë normale”, ka qenë përshkrimi që i është vënë videos ku shfaqet së bashku me të vëllanë.

Kujtojmë se Don Xhon këtë verë ka qenë mjaft i angazhuar me mbrëmje e koncerte përreth trojeve shqiptare e jo vetëm.

Ai solli edhe disa këngë që u pritën jashtëzakonisht mirë nga publiku me miliona klikime në YouTube.

“Ike” dhe “A m’don” janë të fundit që kanë kaluar shifrën e 20 milionë klikimeve.