Filmi “Në kuadër të dashurisë” pati premierën e tij një natë më parë, më 9 tetor.

Aktorët, bashkëpunëtorët dhe të ftuarit kaluan në tapetin e kuq, duke e shndërruar natën krejtësisht dedikuar këtij filmi.

Aktorë të njohur, të rinj dhe ata që e provonin filmin për herë të parë, kanë qenë pjesë e filmit.

Një prej tyre ishte edhe Sara Hoxha, e cila u shfaq në premierë vetëm, por shkëlqeu. Veshur me një fustan gold, flokë të kapura ajo parakaloi në tapetin e kuq, për të pozuar më pas krah kolegëve të saj të filmit.

Por ajo që ka rënë në sy dhe është komentuar (përveç faktit që nuk ishte me Ledrin), ka qenë fakti se është dukur pa humor dhe e mërzitur. Dhe kjo e paska një shpjegim që e ka dhënë vetë Sara përmes një videoje në “Instastory”.

“Më shkruajnë shumë veta pse dukem e mërzitur dhe së fundmi pashë një video në TikTok e cilia shpjegon pse unë dukem e mërzitur. Aty e ka shpjeguar vajza shumë mirë. Kam bërë botox sipër buzëve, që quhet “gummy smile” në mënyrë që kur të qesh mos të më duken mishrat e dhëmbëve. Më kanë pas dalë më parë dhe tani nuk më dalin më. E di, më kanë ndryshuar shumë pamjen. Nuk besoj se do e bëj më, por nuk premtoj. Më kanë tallur shumë njerëz, sidomos njerëzit e familjes që nuk ndalojnë, kanë 2 javë që më tallin. Por ka filluar të zbutet”, ka thënë Sara.