Shqipëria ulet në Këshillin e të Drejtave të Njeriut në Organizatën e Kombeve të Bashkuara. Kryeministri Edi Rama u shpreh sot se Shqipëria po merr një tjetër rol ndërkombëtar.  Ndërsa publikoi edhe emrat e 15 anëtarëve të rinj të KEDNJ-së, shefi i qeverisë theksoi:

Shqipëria ulet në Këshillin e të Drejtave të Njeriut në OKB. Dje, 123 vende anëtare të Asamblesë së Përgjithshme të OKB-së votuan pro Shqipërisë, si një prej 15 vendeve që do të ulen në KDNJ nga 1 janari 2024 deri në 31 dhjetor 2026.

15 anëtarët e rinj të KDNJ:

Shqipëria

Brazili

Bullgaria

Burundi

Kina

Bregu i Fildishtë

Kuba

Republika Domenikane

Franca

Gana

Indonezia

Japonia

Kuvajti

Malaui

Hollanda

Objektivi kryesor i Shqipërisë, si anëtare e Këshillit të të Drejtave të Njeriut do të jetë të punojë brenda Këshillit dhe sistemit të Kombeve të Bashkuara për të garantuar respektimin universal të të drejtave të njeriut dhe lirive themelore, për të gjithë individët pa diskriminuar askënd.

Vendi ynë do të bashkëpunojë ngushtë me shtetet e tjera anëtare të OKB-së, përfaqësues të shoqërisë civile dhe gjithë partnerët për zbatimin e këtyre angazhimeve.

I ngarkuar me përgjegjësinë për të mbrojtur dhe avancuar të drejtat e njeriut në nivel global, Këshilli përbëhet nga 47 shtete anëtare të zgjedhura me votim të fshehtë nga shumica e anëtarëve të Asamblesë së Përgjithshme.