Apple po planifikon të sjellë ekrane OLED tek iPad mini dhe tek iPad Air, sipas një përdoruesi në rrjetin social korean Naver. Postimi citoi burime të zinxhirit të furnizimit dhe pretendon se Apple tani ka filluar negociatat me furnitorët si dhe me Samsung dhe LG në lidhje me ekranet OLED për modelet e ardhshme të iPad mini dhe iPad Air.

Apple thuhet se po kërkon që komponentët të prodhohen në masë nga fundi i vitit 2025, duke sugjeruar që lançimi mund të pasojë në fillim të vitit 2026. Informacioni përputhet me një raport nga firma kërkimore teknologjike Omdia që u publikua në fillim të kësaj jave, e cila parashikonte planet e blerjes së panelit të ekraneve për iPad të Apple.

Rikujtojmë, se Apple nuk do t’u ofrojë më ndihmë klientëve të produkteve të saj përmes llogarisë Twitter Support në rrjetin social X. Kur përpiqeni të dërgoni një mesazh në llogarinë e Apple Support, llogaria do t’ju udhëzojë të vizitoni faqen e mbështetjes së përgjithshme në faqen e internetit të Apple.