Më shumë se 700 fëmijë janë vrarë në Gaza dhe 2,450 të tjerë janë plagosur që nga e shtuna e kaluar, sipas Fondit të Kombeve të Bashkuara për Fëmijët.

“Sipas raporteve të fundit nga autoritetet lokale shëndetësore dhe media, të paktën 2,215 palestinezë raportohet se u vranë, duke përfshirë mbi 700 fëmijë, dhe më shumë se 8,714 njerëz të plagosur, ku më shumë se 2,450 janw fëmijë”, tha zëdhënësja e UNICEF-it Sara Al Hattab për CNN.

Shifrat e së shtunës janë një përditësim i deklaratës së UNICEF-it të premten, e cila tha se  qindra fëmijë janë vrarë dhe plagosur, duke vënë në dukje se numri rritet çdo orë.

“Vrasja e fëmijëve duhet të ndalet. Imazhet dhe historitë janë të qarta: fëmijë me djegie të tmerrshme, plagë mortajash dhe gjymtyrë të humbura. Spitalet janë krejtësisht të mbingarkuar për t’i trajtuar”, tha zëdhënësi i UNICEF-it, James Elder.

Elder iu bashkua thirrjeve nga komuniteti ndërkombëtar duke thënë: Fëmijët izraelitë që mbahen peng në Gaza duhet të ribashkohen në mënyrë të sigurt dhe menjëherë me familjet dhe të dashurit e tyre.