Presidenti amerikan Joe Biden po viziton Izraelin në kulmin e luftës me Hamasin që e sulmon prej rreth dy javësh. Për Biden-in, “Hamas është më keq se ISIS”. Në takimin me kryeministrin izraelit Benjamin Netanjahu në Tel Aviv, shefi i Shtëpisë së Bardhë tha se grupi militant nuk përfaqëson të gjithë palestinezët.

Dua që bota ta dijë se nga cila anë janë Shtetet e Bashkuara të Amerikës. Janë kryer mizori që Shtetin Islamik po e bëjnë që të duket më i arsyeshëm.

Po ashtu, Biden foli për shpërthimin në spitalin e Gazës, me pasojë qindra viktima e për të cilin Izraeli mohon me vendosmëri çdo përfshirje, duke ia faturuar përgjegjësinë një rakete të devijuar të Xhihadit Islamik. Por, grupi militant thotë se Izraeli “gënjen”. Presidenti i Shteteve të Bashkuara tha:

Duket se është bërë nga ana tjetër.

Axhenda e vizitës së Biden-it në Izrael përfshin pjesëmarrjen në mbledhjen e kabinetit të luftës, nën drejtimin e Netanjahut. Po ashtu një takim me anëtarë të familjeve të pengjeve amerikanë që mbahen nga Hamasi në Gaza. Një takim edhe me gruan nga qyteti Ofakim e cila shpërqëndroi terroristët që hynë në apartamentin e saj. Ajo ia doli derisa ndërhynë forcat izraelite dhe i larguan militantët.

Sulmin e 7 tetorit, Netanjahu e krahasoi me njëzet 11 shtator 2001, datë që  ka hyrë në histori pasi Amerika u sulmua nga terroristët e Al Kaedës dhe rreth 3 mijë persona gjetën vdekjen. Ndërkaq, shefi i qeverisë izraelite u shpreh i prekur nga vizita e Biden-it.

Faleminderit! Ne kemi një mik të vërtetë si ti, president! Prania juaj këtu është thellësisht prekëse. Unë këtu flas në emër të të gjithë popullit të Izraelit!

Ushtria izraelite ka përsëritur thirrjen drejtuar palestinezëve që të zhvendosen në jug të Rripit të Gazës, aty ku siç tha “ndihmat humanitare ndërkombëtare do të shpërndahen disa nevojave”.