Makina Lamborghini që Leonardo DiCaprio përdori në filmin “The Wolf of Wall Street” ka dalë në shitje. Lamborghini Countach 1989 Coupe i përdorur në film pritet të shitet 2 milionë dollarë. Countach është admiruar për dekada për dyert e tij me dizajn unik, formën dhe ka qenë i preferuari i adhuruesve të makinave që kur u prezantua. Makina në shitje është me ngjyrë të bardhë si brenda ashtu edhe jashtë.

Gjatë lëvizjes në film makina mori disa goditje dhe gërvishtje. Shtëpia e ankandeve tha:

E vetmja makinë heroike Lamborghini nga The Wolf of Wall Street rishfaqet për t’iu bashkuar formacionit Bonhams Cars në On The Grid: The Abu Dhabi Auction më 25 nëntor.

Ankandi do të zhvillohet në rrjetin e Formula 1 në pistën spektakolare Yas Marina në Abu Dhabi. Shitja do të transmetohet drejtpërdrejt dhe ofertat do të pranohen personalisht ose online. Rikujtojmë, se DiCaprio ka një partnere të re në jetën e tij dhe sipas disa burimeve të afërta me të, kjo po bëhet serioze. Thuhet se 48-vjeçari është zyrtarisht në lidhje me modelen 25-vjeçare Vittoria Ceretti.

Çifti është parë në disa takime në SHBA dhe jashtë saj gjatë muajve të fundit, duke ndezur spekulime nëse ata po kalonin një aventurë verore. Megjithatë, një burim pranë çiftit thotë ekskluzivisht se ata janë në një lidhje serioze. Aktori nga ana tjetër, ishte për herë të fundit në një lidhje afatgjatë me aktoren Camila Morrone, por ata u ndanë në gusht 2022 pas katër vitesh së bashku.