Sulmet ajrore izraelite në Gaza ndërlikojnë përpjekjet për lirimin e pengjeve!
Katari thotë se bombardimet e vazhdueshme izraelite të Gazës po ndërlikojnë përpjekjet e tij për të ndërmjetësuar lirimin e pengjeve që mbahen nga Hamasi.
Ministri i Jashtëm Sheikh Mohammed Bin Abdulrahman al-Thani i bëri komentet në një takim me sekretarin e shtetit të SHBA Antony Blinken, i cili është në vizitën e tij të fundit diplomatike në Lindjen e Mesme me qëllim lehtësimin e krizës humanitare në Gaza.
Katari ndërmjetësoi të dyja bisedimet që çuan në lirimin e dy grupeve të veçanta pengjesh muajin e kaluar
Trupat izraelite njoftuan pushtimin e një fortese të rëndësishme të Hamasit në Rripin e Gazës, brenda së cilës ushtarët e brigadës gjetën dokumentacion që mund të jetë vendimtar për hapat e mëtejshëm në luftë.
Këtë e ka shpjeguar një zëdhënës i ushtrisë. Sipas Izraelit, objekti strehonte selinë e inteligjencës së Hamasit me bazë në Jabaliya dhe dokumentacioni mbahej aty, i kompletuar me harta të detajuara, tabela, mjete komunikimi dhe detaje personale për terroristët dhe komandantët e Hamasit.
“Përmbajtje të ngjashme ishin gjetur në trupat e terroristëve të kapur dhe të vdekur pas sulmeve të 7 tetorit.”- thuhet në njoftimin e ushtrisë izraelite.