Në episodin më të fundit të ‘The Kardashians’, Kim Kardashian ka treguar se është e përkushtuar ndaj vetes dhe ka vendosur të qëndrojë ‘single’ të paktën edhe një vit. Në një bisedë me mikun e saj dhe stilistin Chris Appleton, përpara dasmës së tij me Lukas Gage, Kardashian diskutoi planet e saj për jetën e saj sidomos sa i përket temës së dashurisë.

43-vjeçarja u pyet për mundësinë që të bënte një tjetër dasmë të sajën. Ajo u përgjigj duke thënë se:

Nuk e di, mendoj se shkoj para e mbrapa.

Pastaj Appleton shprehu besimin e tij se Kim është në kulmin e saj të karrirës.

Kjo është më e mira që ke arritur ndonjëherë deri tani. Ti dukesh e mahnitshme, je në kontroll të gjithçkaje, ke fëmijët, biznesin, dhe nuk e di, thjesht ndihem sikur je në një vend të mirë, të lumtur.

Në një diskutim të mëvonshëm, kur u pyet për faktin që dy vjet dëshironte të ishte beqare, Kardashian dukej se kishte harruar afatin kohor, duke e shtyrë producentin t’i kujtonte asaj se komentin e kishte bërë rreth një vit më parë. Ajo vuri në dukje se:

Ok, kështu që kam edhe një vit. Mendoj se do të jetë shumë mirë për mua. Nuk po kërkoj, më duket se më gjejnë, por nuk po kërkoj!

Pavarësisht fotove që kanë qarkulluar së fundmi të Kardashian duke qëndruar me Odell Beckham Jr. në festën e ditëlindjes së tij, drejtuesja e SKIMS theksoi edhe njëherë qëllimin e saj për të mbetur beqare.