Fatkeqësisht ka ndërruar jetë në moshën 35-vjeçare ish-ylli i “Home And Away”, Johnny Ruffo. Aktori bëri debutimin e tij si Chris Harrington në telenovelën popullore australiane në vitin 2013, dy vjet pasi u shfaq në finalen e X Factor Australia. Në gusht të vitit 2017, Ruffo njoftoi se ishte diagnostikuar me kancer në tru. “Me zemër të rëndë sot na është dashur t’i themi lamtumirë të dashurit tonë John Y”,-thuhet në njoftimin në llogarinë e tij në Instagram.

Në mesin e atyre që vajtuan vdekjen e tij ishte këngëtarja e Spice Girls, Melanie Brown. “Sapo m’u thye zemra”,-ka komentuar ajo në Instagram, përpara se të shtojë: “Të dërgoj ngushëllimet e mia më të sinqerta”. Komediani Dave Hughes, një koleg në Masked Singer, shkroi: “Një yll ka lëvizur në botën tjetër. Paç fat”.