Përparimet në fushën e inteligjencës artificiale, kanë qenë jashtëzakonisht të shpejta. Dictador, një prodhues i rumit dhe pijeve alkoolike, ka emëruar Mika si CEO-n e parë robot në botë i ngjashëm me Inteligjencën Artificiale. Mika, një robot pionier, përdor inteligjencën artificiale të avancuar dhe algoritme të mësimit të makinerive për të lehtësuar vendimmarrjen e bazuar në të dhëna. Ekipi në Dictador përshtati robotin CEO për të mishëruar vlerat thelbësore të kompanisë, duke e bërë Mika imazhin e kompanisë.

Në një video të korporatës, Mika shtjellon aftësinë e saj për të marrë vendime të shpejta dhe të sakta. Sidoqoftë, vlen të përmendet se reporterja e FOX Business Lauren Simonetti vuri në dukje një vonesë të konsiderueshme në kohën e përpunimit dhe përgjigjes së Mika kur u përball me pyetje. E lumtur për pozicionin e saj Mika, tha se në fakt ishte më e mirë se miliarderi i tekonologjisë Elon Musk dhe Mark Zuckenberg.

Ndërkaq, një fabrikë me robotë humanoidë që ecin, vrapojnë dhe punojnë si ne do të hapet së shpejti në SHBA. RoboFab është një strukturë prodhuese në Salem, Oregon. Është ideja e Agility Robotics, një kompani e specializuar në krijimin e robotëve me dy këmbë që mund të lundrojnë në mjedise komplekse. RoboFab do të jetë fabrika e parë në botë për robotët humanoidë, e aftë të prodhojë 10,000 të tillë në vit. Fabrika do të përdorë teknika të avancuara automatizimi dhe montimi për të prodhuar Digit, produktin kryesor të Agility Robotics.