Në një e-mail dërguar punonjësve të tij, sekretari amerikan i Shtetit, Antony Blinken pranoi se ka mosmarrëveshje brenda departamentit lidhur me qëndrimin e administratës së presidentit Joe Biden ndaj sulmeve të Izraelit në Gaza.

Siç raporton CNN, në e-mailin që Blinken u dërgoi punonjësve të ministrisë thuhet:

Unë e di që për shumë prej jush, dhimbja e shkaktuar nga kjo krizë ka ndikim të thellë.

Blinken u shpreh se është zemërthyese të shohësh imazhet e foshnjave, fëmijëve, të moshuarve, grave dhe civilëve të tjerë që vuajnë në këtë krizë dhe se ai “e ndjen këtë”.

Disa punonjës në departament mund të mos pajtohen me veprimet e ndërmarra nga qeveria në lidhje me Gazën. Punonjësit mund të kenë mendime se çfarë mund të bëhet më mirë.

Ne besojmë se Gaza duhet të bashkohet me Bregun Perëndimor dhe të administrohet nga palestinezët. Rindërtimi i rajonit duhet të mbështetet nga një mekanizëm i qëndrueshëm.

Në Amerikë, 100 diplomatë nga Departamenti i Shtetit dhe Agjencia Amerikane për Zhvillimin Ndërkombëtar (USAID) akuzuan presidentin Joe Biden për “përhapjen e informacionit të rremë” në lidhje me sulmet e Izraelit në Gaza.

Në deklaratën e nënshkruar nga diplomatët thuhet:

Izraeli po kryen krime lufte në Gaza. Biden të vendosë më shumë në dyshim veprimet izraelite.

Forcat izraelite bastisën spitalin më të madh të Gazës në orët e para të mëngjesit, ndërsa qindra pacientë, përfshirë foshnja të sapolindura, kanë mbetur me pak furnizime, përfshirë mungesën e energjisë elektrike. Spitali Shifa është kthyer në simbolin e vuajtjeve të civilëve palestinezë gjatë luftës mes Izraelit e Hamasit, grupit palestinez të shpallur terrorist nga Shtetet e Bashkuara dhe Bashkimi Europian.

Izraeli pretendon se Hamasi ka një qendër masive komanduese brenda dhe rreth spitalit Shifa, por nuk ofron prova për këtë pretendim.  Disa orë para kontrolleve, Shtetet e Bashkuara thanë se Inteligjenca sugjeron se Hamasi i ka përdorur Shifan e spitalet e tjera, si dhe tunelet poshtë tyre, për të mbështetur operacionet ushtarake e për të mbajtur pengjet.