Konflikt i çastit, plagosje me armë zjarri në Lezhë!
vovalbania
November 25, 2023
0 koment
1 Mund të lexoni në minuta.
Një plagosje me armë zjarri u regjistrua mëngjesin e sotëm, në zonën e njohur si Ura e Cenit, në Lezhë. Ende nuk ka shumë detaje, por paraprakisht mësohet se i lënduar mbeti një shtetas nga Laçi, shoferi i një furgoni që ishte me pasagjerë kur u qëllua ndaj drejtuesit të mjetit, në afërsi të tregut të qytetit verior.
I plagosuri u dërgua në spital ku për fat të mirë ndodhet jashtë rreziku për jetën. Ndërkaq, autori i dyshuar u identifikua nga policia dhe po punohet për kapjen e tij. Në vijim priten më shumë detaje mbi rrethanat e motivet. Grupi hetimor në vendngjarje, vijon punën.