Këngëtarja Samanta Karavella e ftuar në “Më Lër të Flas”, zbuloi arsyen se pse u tërhoq nga “Festivali i Këngës”.

“Ka pasur shumë spekulime ndaj festivalit, për mua ishte një temë që nuk dua ta cekja aspak por kam një sqarim për publikun tim, që e ka pritur rikthimin tim në festival. Pjesëmarrja e parë ka qenë që 14 vjeç. Kënga që unë kam zgjedhur në festival, që e kam krijuar për 2 ditëve sepse ishte ajo energjia që dua të shkoj. Është një këngë me potencial dhe ritmike”, tha këngëtarja.

Romeo: Unë e kam dëgjuar këngën dhe ishte shumë potencial.

Samanta: Kënga fillonte me ‘eagle’ (shqiponjë), edhe do krijonte atmosferë të paparë në “Pallatin e Kongreseve”, mua më ka mbetur shumë peng. E vërteta është që nuk m’u lejua performanca, dhe unë nuk mund ta këndoja atë këngë ritmike pa performancë. Këto ishin kriteret e festivalit këtë vit. Nuk iu lejua askujt.

Romeo: Kemi dëgjuar disa fjalë që festivali i fundvitit i është premtuar Elsa Lilës.

Samanta: Këto janë spekulime, mediat e flasin gjithmonë, edhe kur bëhet fjalë për një artist me emër mund të ishte edhe emri im. Nuk di asgjë rreth kësaj, uroj që të jetë zgjedhja e publikut.

Dondali: Po nëse disa nga këngëtarët janë tërhequr, çfarë do ndodhë? Se nuk je e vetmja, edhe Kejsi Tola është tërhequr.

Këngëtaren e marrin në telefon “live”, dhe nuk tregoi asgjë më tepër se “zgjodhi të tërhiqej për arsye personale”.