Së fundmi, Google ka larguar nga Play Store një aplikacion, i cili i ndihmon njerëzit të bojkotojnë kompanitë dhe produktet izraelite. Llogaria e mediave sociale @NoThanksBoycott konfirmoi se aplikacioni i saj NoThanks ishte hequr përkohësisht si rezultat i tekstit në përshkrimin e tij që thoshte se mund të shihni nëse “dora juaj mbështet vrasjen e fëmijëve në Palestinë apo jo”.

Llogaria shkroi në X se:

Aplikacioni është pezulluar nga Play Store për këtë fjali, e hoqa atë në përditësimin e ri dhe Play Store do ta shqyrtojë dhe do ta lançojë përsëri. Ai përfshinte një pamje të përshkrimit që thoshte: “Mirë se erdhe në NoThanks, këtu mund të shihni nëse produkti në dorën tuaj mbështet vrasjen e fëmijëve në Palestinë apo jo”. Gjithçka që duhet të bëni është të skanoni barkodin ose të shkruani numrin serial në shiritin e kërkimit.

The app has been suspended from play store for this sentence, I removed it in the new update and play store will review it and release it again pic.twitter.com/fTgVV9ltxo

— NoThanks (@NoThanksBoycott) November 30, 2023

Ky veprim erdh pasi Izraeli rifilloi operacionet luftarake në Rripin e Gazës, disa minuta pasi skadoi armëpushimi, për “prishjen” e të cilit u fajësua Hamasi. Që prej fillimit të luftës midis Izraelit dhe Hamasit, kanë mbetur të vdekur shumë civilë. Sipas Ministrisë së Shëndetësisë së Gazës së udhëhequr nga Hamasi, gjatë kësaj kohe kanë mbetur të vrarë rreth 13,300 palestinezë. Ndërsa, kryesisht gjatë sulmit të Hamasit të 7 tetorit, kanë mbetur të vrarë rreth 1200 izraelitë.