Pushimi i nevojshëm është thelbësor për të kryer proceset e rigjenerimit të trupit tonë. Një eksperte spanjolle, Elena Urrestarazu, e cila është nënkryetare e Shoqatës Spanjolle të Gjumit, ngre shqetësimin se njerëzit në shoqërinë e sotme po flenë gjithmonë e më pak:

Gjumi nuk është diçka që mund ta rikuperojmë.

Specialistja thekson se grumbullimi i mungesës së gjumit çon në efekte të dëmshme afatgjata për shëndetin:

Në një nivel endokrin, metabolik dhe hormonal, trupi ynë ka nevojë për atë minimum orësh gjumi, i cili është i ndryshëm për çdo person, për të përfunduar të gjitha proceset. Nëse nuk i bëjmë orët e gjumit, përveç ankthit apo humorit të keq, nervozizmi rritet pa e kuptuar.

Po kështu, gjumi më pak se 7 orë nënkupton një rrezik në rritje për mbipeshë, diabet, infeksione ose përkeqësim të shëndetit të trurit. Elena vijon:

Ndoshta gjëja më ekstreme është se rrit edhe probabilitetin për të vuajtur nga disa lloje kanceri, veçanërisht ato me një komponent hormonal. Gjumi është i përfshirë në procese të panumërta fiziologjike, të tilla si konsolidimi i kujtesës, rregullimi hormonal, kontrolli i përgjigjes imune dhe inflamatore, rregullimi vaskular, përpunimi emocional. Kjo është arsyeja pse gjumi me cilësi të dobët zakonisht lidhet me probleme të shumta shëndetësore.

A rikuperohet vërtet gjumi? Elena vazhdon:

Nëse nuk është e mundur të flini mjaftueshëm gjatë javës, flini më shumë të shtunave dhe të dielave. Më mirë të flesh më shumë këto dy ditë sesa mos e bësh, por kjo nuk do të thotë se problemi do të zgjidhet. Diçka e tillë e ul mundësinë e Alzheimerit, por nuk e zhduk. Nëse bëni vetëm 10 orë gjumë nga e hëna në të premte, kjo kohë nuk do të rikuperohet në fundjavë. Është njësoj sikur nuk ke fjetur për 24 orë.