Një ish-modele e cila kishte nisur punën në Kishë vendosi që t’i kthehet sërish modelingut. Ana Akiva, 36-vjeçe, nga Kisha Fuxico Gospel në Brazil njoftoi se po e kthen vëmendjen te OnlyFans, mirëpo në një moment tjetër nuk e përjashton mundësinë e rikthimit. Ajo tha për CEN se:

Unë besoj se prodhimi i përmbajtjes sensuale nuk më pakëson mua si bijë të Zotit apo si person. Fillova të shoh se Kisha është një mjedis i korruptuar, është edhe më keq se bota e jashtme, sepse atje ndryshe predikojnë dhe ndryshe bëjnë. Jo të gjithë, por një pjesë e madhe e tyre janë të korruptuar.

Një arsye tjetër që e bëri të ndryshonte drejtim ishte bashkëshorti i saj klerik.

Kur u martova, ai më ndaloi të punoja jashtë shtëpisë dhe të kisha miq. Ai jetoi për familjen dhe Kishën e tij. Është e vështirë të jesh e lumtur pranë dikujt që të kontrollon jetën dhe që nuk të ngre kurrë, që të quan plehra, që të pështyn në fytyrë. Shumë gra e kalojnë këtë në Kishë dhe vuajnë në heshtje si unë.