Parlamenti polak ka mbështetur Donald Tusk për t’u bërë kryeministër pasi udhëheqësi aktual Mateusz Morawiecki humbi një votim kyç në parlamentin e vendit të hënën. Partia populiste Ligj dhe Drejtësi (PiS) e Morawieckit nuk arriti të fitonte shumicën në zgjedhjet e Tetorit.

Presidenti Andrzej Duda, një aleat i PiS, megjithatë emëroi zotin Morawiecki për të udhëhequr qeverinë. Dështimi i tij për të fituar një votëbesim i hap rrugën Tusk për t’u bërë kryeministër.Në total, 190 deputetë votuan për qeverinë e Morawiecki, krahasuar me 266 kundër.

Ai pritet të marrë detyrën këtë javë. Tusk ka qenë më parë kryeministër i Polonisë midis 2007 dhe 2014, dhe më vonë zgjidhet në krye të PPE-së, Partisë Popullore Europiane, aleancës së qendrës së djathtë që përfshin 84 subjekte e partnerë në 42 shtete. PPE-ja që në Parlamentin Europian ka numrin më të madh të ligjvënësve tashmë do të drejtohet nga Tusk, president në ikje i Këshillit Europian. Ai u shpreh kundër zgjedhjes së populistëve e autokratëve në pozita drejtuese në Partinë Popullore Europiane.

Kryeministri i ri do të prezantojë kabinetin e tij të martën.