Ish-zyrtari i Bashkimit Evropian dhe njëherazi kryeministri i ri polak Donald Tusk ka paralajmëruar BE-në kundër diçkaje “të papranueshme” sikurse apatia ndaj Ukrainës.

Gjatë një vizite në Bruksel në kuadër të një samiti ndërqeveritar me bllokun, Tusk tha se roli i tij është të forcojë vendosmërinë evropiane në mbështetjen ndaj Ukrainës, duke shtuar se ai do të përpiqet të bindë “disa shtete anëtare” mbi çështjen.

Mesazhi i Tusk vjen pasi Brukseli mbetet i bllokuar në një betejë me Hungarinë, e cila po vë veton ndaj një pakete financimi për Ukrainën.

Budapesti tha se do të rishqyrtojë nëse merr fonde të bllokuara të ngrira nga BE për shqetësimet e të drejtave të njeriut në vend.

Parlamenti polak vendosi për kreun e opozitës polake, Donald Tusk si kryeministër të ardhshëm të Polonisë.

Për kreun e koalicionit qytetar liberal-konservator votuan 248 deputetë nga 449 të pranishëm. Koalicioni tre partiak që nga zgjedhjet e 15 tetorit ka shumicën në parlamentin polak. Të hënën pasdite kryeministri polak, Mateusz Moraviecki ashtu si pritej humbi një votëbesim në parlament.

Partia nacional-konservatore e Moravieckit, PiS megjithë ndërrimin e forcave të pushtetit në parlament mori detyrën për krijimin e qeverisë nga presidenti polak, Adrzej Duda. Duda vjen po ashtu nga radhët e partisë PiS dhe është kundërshtar i ndërrimit të qeverisë. Në votëbesim Moraviecki mori vetëm 190 vota, kurse 266 deputetë votuan kundër tij.

Me ndërrimin e pushtetit mund të marrë fund një grindje prej vitesh mes BE dhe Polonisë në lidhje me reformën në drejtësi dhe si pasojë bllokimin e mjeteve financiare të BE në miliarda. 66-vjeçari Tusk ka qenë nga viti 2007 deri në vitin 2014 kryeministër i Polonisë dhe nga viti 2014 deri në 2019 presidenti i Këshillit të BE, ai ka kontakte të mira në Bruksel. Tusk ka theksuar vazhdimisht, se dëshiron të “ndërtojë sërish” pozicionin e Polonisë në BE. Kurse kundërshtarët politike të Tusk e akuzojnë atë se vendos interesat e huaja para interesave të Polonisë.