Kiara flet për momentin kur zbuluan pritjen e ëmbël me Luizin: “Kemi qarë gjithë ditën”
Shtatëzania e Kiara Titos ishte një nga temat më të përfolura gjatë javëve të fundit në rrjetet sociale.
Së bashku me Luizin, ata vendosën që lajmin e pritjes së ëmbël ta bënin publik me anë të një kënge kushtuar pikërisht vajzës që do të vijë në jetë.
E ftuar ditën e sotme në një intervistë për “Ftesë në 5”, Kiara tregoi momentin e parë kur zbuloi shtatëzaninë.
Ajo u shpreh se bëri 3 teste pasi nuk arrinte ta besonte që me të vërtetë po priste një fëmijë, ndërsa tha se Luizit ja bëri suprizë.
Kiara tregoi se as këngëtari nuk po e besonte çka po shihte dhe në formë shakaje kishte pyetur Kiarën nëse testi tregonte se kishte dalë pozitive me Covid.
Ajo tha se të dy u prekën shumë nga ai moment dhe kanë qarë gjithë ditën, normalisht me lot gëzimi.