Roza Lati u prezantua zyrtarisht mbrëmjen e sotme si banore e “Big Brother VIP Albania”.

Hyrja e saj ishte e vecantë dhe surprizuese për të ëmën e saj, Ritën, pasi kjo e fundit nuk e dinte për hyrjen e vajzës së saj.

Teksa ndodhej në një restorant, Rita u surprizua nga produksioni i BBVA, duke u vendosur në transmetim direkt me Ledionin dhe për t’iu dhënë lajmi se Roza do të bëhet pjesë e “Big Brother VIP Albania”.

Mirëpo teksa po fliste, me apo pa dashje, Rita përmendi “Big Brother-in” e Kosovës, ku tha se është e fiksuar dhe, “e ndjek deri në orën 2 të natës”.

Në këtë moment, shihet se mimika e Ledionit ndryshon si edhe tund kokën, por që sigurisht e kaloi situatën më së miri.