Këngëtarja e njohur me origjinë shqiptare Dua Lipa ka shprehur zhgënjimin e saj me perceptimin e publikut për të. Në një intervistë për “Rolling Stone”, këngëtarja u shpreh se di të bëjë më tepër sesa muzika.

Nuk e di nëse njerëzit e besojnë se më pëlqen të lexoj libra. Ata nuk duan që unë të merrem me politikë. Ka shumë më tepër për mua sesa thjesht ajo që bëj.

Dua ka kritikuar qëndrimin e qeverisë së Mbretërisë së Bashkuar ndaj imigracionit dhe duke bërë thirrje për një armëpushim në Gaza. Dua tha se botëkuptimi i saj ishte formësuar nga përvoja e prindërve për të ikur nga lufta në Kosovë në fund të viteve 1990.

Ekzistenca ime është disi politike, fakti që kam jetuar në Londër sepse prindërit e mi u larguan nga lufta. Nga përvoja ime e të qenit në Kosovë dhe të kuptuarit se çfarë bën lufta, askush me të vërtetë nuk dëshiron të largohet nga shtëpia e tyre. Ata e bëjnë këtë për mbrojtje, për të shpëtuar familjen e tyre, për t’u kujdesur për njerëzit përreth tyre, për një jetë më të mirë.

Rikujtojmë, se ylli i muzikës pop dyshohet se ka nisur një lidhje të re me aktorin britanik, Callum Turner, pasi dyshja u panë bashkë në një festë në Beverly Hills. Në pamjet e siguruara nga TMZ, ylli i muzikës pop u shfaq për një kohë të shkurtër duke kërcyer me Callum disa ditë më parë..

“Është njohje e re, por ata janë të çmendur për njëri-tjetrin”- tha një burim i brendshëm i dyshes për tabloidin Page Six, duke shtuar: “Ajo ishte në premierë për ta mbështetur atë”. DailyMail ka kontaktuar me përfaqësuesit për media të këngëtares të cilët ende nuk janë përgjigjur rreth kësaj çështje.