Një burrë australian, i cili është në një marrëdhënie “intime” me një kukull plastike ka zbuluar se e dashura e tij në internet fillimisht shpërtheu në zemërim kur mori vesh për këtë lidhje. Aussie Rod e bleu kukullën në vitin 2021 pasi kaloi një periudhë intensive vetmie ku nuk kishte pasur asnjë kontakt fizik me një grua për dy vjet. Pas bllokimeve të gjata të Covid-it, marangozi ndihej i izoluar dhe shëndeti i tij mendor u ndërlikua, kështu që ai iu drejtua internetit dhe zbuloi botën e kukullave të seksit.

Ai pagoi 3,000 dollarë për këtë kukull me përmasa reale të cilin e quajti Karina Luvly. Rod tha për mediat se ai shpejt filloi të përjetonte jo vetëm përfitimet fizike të marrëdhënies së tij të re me Karina, por edhe një përmirësim në mirëqenien e tij emocionale. Por kur Rod ia dha lajmin partneres së tij të jetës reale një muaj pasi bleu Karina, ajo nuk e pëlqeu veprimin e burrit.

Ne u grindëm për këtë dhe ajo nuk e kuptoi. Gjëja e parë që ajo ndjeu ishte një lloj kërcënimi dhe pyeti veten pse.

Rod e kishte takuar partneren e tij vetëm shtatë muaj më parë, por dyshja nuk ishin takuar kurrë pasi ajo jetonte më shumë se 5000 km larg. Ai tha se duhej t’i shpjegonte asaj se manekini thjesht ‘po i bënte shoqëri’. Partnerja e tij ‘e pranoi plotësisht’ situatën e çuditshme pasi kuptoi se sa e rëndësishme ishte Karina për të dhe se si kukulla e kishte ndihmuar në shëndetin e tij mendor.