Javën e kaluar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. 18 banorë u bënë pjesë e shtëpisë më të famshme në vend dhe kanë nisur rrugëtimin e tyre më të ri.

Debati që nisi për shuplakën gjatë ditëve të fundit në shtëpinë e Big Brother, vijoji edhe natën e sotme të spektaklit. Ende pa u dhënë klipi i asaj që Roza pretendon se Meri e qëlloi, të dyja hodhën akuza ndaj njëra-tjetrës.  Roza e akuzoi Merin se shpif dhe se nuk e ‘llogarit në lojë”, ndërsa Meri tha se ndihet e provokuar.

Meri: Po bënim një bisedë të thjeshtë unë e kam pak nga natyra që përkëdhel tjetrin, nuk kam pse të dhunojë njeri aq më tepër Rozën pse duhet ta dhunoj unë po i jepja intervistë…

Roza: Me Merin u pa qartë që unë nuk po e provokoja… ne të gjithë e kemi bërë një takim me psikologun e “BBV3” po nuk e di si jeni bindur për të patur një person si Meri në shtëpi

Ledion: Jemi bindur që të gjithë ju jeni të aftë psikologjikisht të përballoni presionin e kësaj shtëpie 

Banorja Ilnisa Agolli është ‘kryqëzuar’ nga thuajse të gjithë konkurrentët e tjerë të Big Brother, pas pozicionit të saj si lidere e shtëpisë. Një opinion për këtë e ka dhënë edhe Einxhel Shkira, e cila sot është opinioniste në vend të Arbërit. Pyetja e Einxhel ndaj Ilnisës e ka vënë në siklet këtë të fundit, e cila nuk ka dashur të flasë më për këtë temë.